स्थानिक स्व. राजकमलची भारती कला, वाणिज्य व श्रीमती सुशिलाबाई रा. भारती विज्ञान महाविद्यालय येथे सांस्कृतिक समिती, आणि गृह अर्थशास्त्र विभाग यांच्या संयुक्त विद्यमाने मेहंदी स्पर्धेचे आयोजन करण्यात आले. कार्यक्रमाच्या अध्यक्षस्थानी व महाविद्यालयाचे प्राचार्य डॉ.एस. व्ही वानखडे उपस्थित होते. या स्पर्धेचे परीक्षण प्रा.डॉ.रूपाली टेकाडे, प्रा. अस्मिता वानखडे, प्रा .विभूती कुसरे यांनी केले. आपल्या अध्यक्षीय भाषणामध्ये प्राचार्य डॉ. वानखडे यांनी भारतीय संस्कृतीत मेहंदीला विशेष स्थान आहे. सण- उत्सव, लग्न किंवा कोणताही मंगल सोहळा असो, मेहंदी शिवाय तो अपूर्ण वाटतो. मेहंदी ही केवळ सौंदर्यात्मक कला नसून ती आपल्या परंपरेचा, आनंदाचा आणि सौंदर्याचा अविभाज्य भाग आहे. या कलांमध्ये सृजनशीलता आणि कल्पकता यांचे अप्रतिम मिश्रण दिसते. अशा प्रकारचे मार्गदर्शन सरांनी विद्यार्थ्यांना केले. स्पर्धेला संस्थेचे सचिव ऍडव्होकेट सिद्धार्थ भारती यांनी विद्यार्थांचा उत्साह वाढविण्या करीता स्पर्धेला भेट देऊन, स्पर्धकांच्या कलेचे कौतुक केले. स्पर्धेमध्ये प्रथम क्रमांक कु. मंतशा रिजवान शेख, द्वितीय क्रमांक कु. महेक शकील खान तर तृतीय क्रमांक कु. हिना अक्रम शेख यांनी पटकावला.कार्यक्रमाचे सूत्रसंचालन कु. वेदिका दयाराम राठोड हिने केले तर आभार प्रदर्शन कु. अर्शिया सार्वे हिने केले. स्पर्धेच्या यशस्वीते करिता प्रा. डॉ. कौंसल्ये, प्रा. बागडे, प्रा. डॉ. क्षीरसागर यांचे सहकार्य लाभले.
