समर्पितप्रतिनिधीसामाजिक जाण ठेवत भेटीची परंपरा कायम राखली अनेकदा आपण वाढदिवस केक, पार्टी आणि गिफ्ट्सपुरतेच मर्यादित समजतो, पण काही जण आपला विशेष दिवस इतरांसाठी अविस्मरणीय बनवतात. अंध व अपंग विद्यालयात जाऊन मुलांबरोबर वाढदिवस साजरा करणे, त्यांच्याबरोबर वेळ घालवणे हे केवळ दान नाही, तर खरी संवेदना आणि मानवता आहे. अशा व्यक्तींमुळे समाजात आशा आणि प्रेमाची ऊर्जा पसरते. प्रफुल्लने आपला वाढदिवस अंध व अपंग मुलांच्या विशेष निवासी विद्यालयात साजरा केल्यामुळे वातावरणात आनंदाची लहर पसरलेली दिसली. प्रफुल भोयर या तरुणाने हा दिवस गरजू व विशेष मुलांसाठी समर्पित करून खरा आनंद कसा मिळवावा याचे उदाहरण घालून दिले. यावेळी वसंतराव नाईक अंध मूकबधिर व अपंग विद्यालय, यवतमाळ येथील वस्तीगृह अधीक्षक सीताराम राठोड, वर्षा परिहार, वैभव घोलप आणि कर्मचारी वृंद उपस्थित होते. सोबत प्रद्युम्न जवळेकर, अनिकेत कावळे, विवेक गोलर, शेलोटकर, रोशन गवई, यश चव्हाण, ओम जाधव, सुनील आडे असा आप्तपरिवार यांनी हजेरी लावली.
